அம்மை

அம்மைக்கு பருத்த முலைகள் ஏராளம்
கைகளோ பல்லாயிரம்கோடி
காம்பிற்கு ஒரு பால்
கைக்கொரு அபயம்

நீண்ட கழுத்தின் மேல்
கூம்பியிருந்த முகத்திற்கு
ஒற்றைக் கண்ணே
வாயிலாக
இக்காலம்
முக்காலம்
எக்காலமும்
ஆங்கே குவிவதாக

அம்மையை கனவு நதி தீரத்திலே
காணவியலும்
என்பதாக

ஆதிவாசி கதையில் வாழும் அம்மை
காலம் தப்பியேனும்
பேதமற்று அணைக்கும்
பேருவுவகையை
நகர் வழி ஏகி
நல்குவாளென