நீலம்

அர்த்தம் நீலம் பாரிப்பதற்கு ஒப்பானதாகும்

நீலம் எங்கும் விரவியிருக்கிறது
அதற்கு ஆழம் இருப்பது போன்ற பாவனை இருக்கிறது

நிறம் மேற்பரப்பு மட்டுமே
நீலத்தைப் பற்றிக் கேட்கவே வேண்டாம்

அபத்தம் பற்றும் இடமெல்லாம் அழகு விகசிப்பது போல
நீலம் தொற்றும் பொருளெல்லாம்

பண்டு
நீலத்தில் கள்ள நீலம் நிஜ நீலம் என்றெல்லாம் உண்டும்

இன்று
நீலம்தான் நிஜம் நிஜம்தான் நீலம்

நீலத்தினுள் நீந்துகையில்
நீலம் கரு நீலமாகும்
கரு நீலம் கருப்பாகும்
கருப்பு ஆழம் மேற்பரப்பு சமன் செய்ய
தோற்றமும் நிஜமும் ஒன்றாவதே
நீலம் பாரிப்பதென்று
தொடரும்
நிறங்கள் பற்றிய
நீலி கதை