Tuesday, September 28, 2010

தத்ரூபம்

போர்க்களத்தின் மாதிரியை நிர்மாணித்துக்கொண்டிருந்தார்கள்
அரங்குகள் அமைத்து, அரங்குகள் அமைத்து
பாரம்பரியம் பெற்றுவிட்ட மக்கள்

பெரும் செலவில் சிறு காலத்தில் அழியும்
அரங்குகளில்
போர்க்கள மாதிரி
விசேடம் என்றார் விடயம் அறிந்தவர்

அரசியல் கூட்டம் சென்று திரும்பி
சாகும் மாதிரிகள் ஆக கூட்டம் மோதியது
ஆணென்றும் பெண்ணென்றும் குழந்தைகளென்றும்
அலைக்கழிப்பையும் மீறி

ஏழ்மை போததென்று உடல்களில்
சாக்கடை கொட்டினர்
வாளி வாளியாய்

குரூரம் போதாதென்று சிவப்பு
சாயம் பீச்சினர்
லாரி லாரியாய்

சிதிலம் போதாதென்று நாறும்
குப்பை குவித்தனர்
கிரேன் கிரேனாய்

அரங்க மாதிரிகள் பல
கண்ட பெரியோர்
தத்ரூபம் போதாதென
முகம் திருப்பிச் சென்றனர்
அலட்சியமாய்
Post a Comment