Wednesday, September 29, 2010

என் கோப்பைக்குள் உன் மதுவை ஊற்றாதே

என் கோப்பைக்கும் மதுவுக்கும்
தனிமைக்கும் இசைக்கும்
சில கணக்குகள்
சில பவித்திரங்கள் உண்டு

பெரும்பாலும் இவை
இணையும் புள்ளி
இழை தப்பினால்
முழுப் பித்து
இல்லையெங்கில்
களி வெறி என்றிருக்கும்

ஒரு துளி மது
ஒரு மாத்திரை இசை
ஒரு நொடி தனிமை
என இணைத்து
இணைத்து
கணம் கணமாய்
தொகுத்திருக்கிறேன்
உன் நினைவுகளை

மேலும்
என் கோப்பைக்குள்
உன் மதுவை ஊற்றாதே
தயவுசெய்து
Post a Comment