Friday, September 10, 2010

புனைவு அழிதல்

கூந்தல் வளர்த்து
பல முறை முகக் கண்ணாடி பார்த்து
பொட்டிட்டு
உதட்டு சாயம் பூசி
பலூன் முலை கட்டி
துணிப்பந்து திணித்து
பின்பாகம் கொழுக்க வைத்து
கால் சராய் கீழிரக்கி
கொப்பூழின் கீழ் பூனை மயிர் காட்டி
வலம் வரும் தேர் போல்
கை வீசி
கால் அகட்டி
கூட்டம் நிறைந்த
தெரு ஏகினாள் அவள்

அநாமதேய ஆண் கைகள் கசக்கியதால்
பலூன் முலையொன்று
வெடித்துச் சிதற
அவள் அவளல்ல
அவன் என்பதாகவே
கூட்டம் எக்களிக்க
ஓடும் ரயிலின் முன்
பாய்ந்தாள்
அவள்
Post a Comment