Sunday, September 12, 2010

மிச்சமிருக்கும் பியர் பாட்டில்கள்

மிச்சமிருக்கும் பியர் பாட்டில்களை
பழைய பேப்பர்காரனிடம் போட்டு
மீண்டும் ஒரு பியர் வாங்கலாமென்றான் நண்பன்
சாக்கில் கட்டி கடைக்குப் போனவன்
இரண்டு பாட்டிலே வாங்கலாமாக்கும்
என்றான் மூக்கை நிமிர்த்தியபடி
மீண்டும் இரண்டு மிச்சமாகுமே என்றேன் கவலையோடு
பத்திரமாய் பொத்தி வை
அவையே நம்
இன்றைய வரலாறு என்றான்
தரிசனங் கண்டவனாய்
Post a Comment